Peter Schweitzer

‘Piorsarsimassutsimut tunngatillugu socialantropologiimilu Wienip Universitetiani professoriuvunga.  Wienimi ilinniareerlunga ukiut 20 sinnerlugit Alaskap Universitetiani, Fairbanksimi Professoriusimavunga, 2012-milu Winenimut uterlunga. Mannakkut ilisimatusarninni soqutigisaraakka issittumi inuit qanoq  sanaartorfinni pinngortitamilu avatangiisit qanoq ataqatigiissaartarnersut. Suliniummi Snow2Rain-imi inuiaqatigiit pillugit ilisimatuarnermi akisussaasuuvunga.

Ph.d.-liara, Siberiap avannaata kangiani inuit oqaluttuarisaanerannut tunngasoq, Wienip Universitetiani 1990-mi illersoreerlugu, 1991-mi Fairbanksimi Alaskap Universitetiani Antropologiip Insitutianut pivunga. Ilinniartitsisumiit Professoritut 2000-kkut aallartinnerini atorfeqalereerlunga, Alaskami programmimi misiliutaasoq, unammillersinnaasumik ilisimatusarnermut simuleriinermut tunngasumut (EPSCoR) pisortanngorpunga. 2012-mi nammineq alma materinnut uterpunga Piorsarsimassutsumullu Antropologiimullu tunngatillugu Institutimi (IKSA) Wienip Universitetiani tamakkiisumik professoritut atorfinitsinneqarpunga, saniatigut professor emeritusitut Alaskap Universitetiani Fairbanksimi atorfik paariinnarlugu. Oktober 2016-miit februar 2021-mut IKSA-mi Institutimi aqutsisuuvunga.

International Arctic Social Sciences Association (IASSA)-mi siornatigut præsidentiusimavunga siornatigullu aamma International Arctic Science Committee (IASC)-imi, suleqatigiissitami inulerinermut ilisimatusarnermi siulittaasuusimallunga. Siberiap kangiani qimutsuitsut aqqutaat, taassumalu nunap immikkoortuata inuinut immunnera pillugit suliniut qanittumi naammassereerlugu, ERC Advanced Grant aallartippara, tassaasoq Issittumi angallassinermi ataqatigiinnermut aqqissuussinerit, issittut inuinut qanoq sunniuteqarnersut misissorneqarneri. Issittumi najugallit silap pissusaata allanngoriartornerata malunniutaat pillugit isumaat ukiut 15-it sinnerlugit soqutigisaraakka. Taamanimi avatangiisit allanngorartut pillugit Alaskap avannaata kitaani inunnit   qanoq isumaqarfigineqarnersut iliuuseqarfigineqarnersullu 2003-mi misissuisimavugut.  Snow2Rain fagit akimorlugit  misigisassanik pilersitsinissanik periarfissatsialaavoq.’