Suliniut pillugu

 

Ilisimatuutut misissuinermi sumiiffik: Nunap assingata uuma takutippaa misissuivik, Tasiilaq aamma Ammassaliup pigisaa, Sermilimmi misissuiffiit silasiorfiillu nunap immikkoortuaniittut.

Ammassalik_Island_Map_Website6.jpeg.jpg
 

Suliniut pillugu paasisaqarnerorusukkuit ilisimatusarnerup siunertaa uani atuarsinnaavat:

  • Najugaqartut avatangiisip allanngoriartornera, aput, siku, imerlu aatsitameersoq pillugit ilisimasaannik, isumassarsiaannik isumakuluutaannillu ilanngussineq

  • Ilisimatusaat pillugu illoqarfimmiunik suleqateqarneq

  • Ilisimatusarnermi periutsit: interdisciplinære aamma faginut arlalinnut tunngasunut siuarsaaneq

  • Pinngortitamik ilisimatusarneq inuiaqatigiinnillu ilisimatusarneq pillugit paasinnittariaatsinik nutaanik pilersitsineq

  • Najugaqartunut attuumassusilinnik sulinutip inernerinik ingerlateqqiineq, siunissami unammillernartunik aqutsinermi, assersuutigalugu silap pissusaata allanngoriartorneranut tunngasunik atorneqarsinnaasunik

  • Aputip pissusaanik misissueqqissaarneq, aputip silallu pissusaata imminnut sunniivigeqatigiittarnerat paasisaqarfiginerorusullugu

  • Aputip silaannarmut atatillugu allanngoraataanik paasisimasaqarneq (sumiiffiup sunniutai soorlu sammivimmik allannguinernik aamma nunap ilusaanik nalilersuinerit)

  • Nunap immikkoortuani silap pissusaa pillugu nalunaarsuutinit takutitassianit tulleriiaanit, silap pissusaanik – aput ukkataralugu – ilisimatusarneq annikillisagaq

  • Piffimmi aputip pileriartorneranik paasisimasat pingaarutillit, takutitassiat aputinut tunngasut tigussaasut atorlugit

Suliat maanna siunissamilu pisussat

Suliniutip ingerlanneqarnerani nikeriarfik siulleq Snow2Rainip aallartippaa, 2023-llu tungaanut ingerlatissallugu. Piffissaq siulleq atorneqartoq ilisimatusarnermi atuakkialerinermut, Tasiilami najugaqartunut attaveqarnermut kiisalu silap pissusaa apullu pillugit nalunaarsuutinik misissuinermut atorneqassaaq. Atuakkialerineq pinngortitamik ilisimatusarnermut (aput ukkataralugu) aamma Inuiaqatiniinnik ilisimatusarermut (antropologi) paasisat ataqatigiissaarnerinut tunngasuussaaq. Nittartakkap uuma, Facebookimi qupperneq aamma Facebookimi  gruppe Tasiilami najugalinnut attaveqarnissamut aallarniutaasinnaapput. Silap pissusaa appulu pillugit nalunaarsuutinik qulaajaaneq eqqaariigaq, silasiorfinniit piffimmi silap pissusaa pillugu takussutissianiit aamma apummik uttortaanernit nalunaarsuutinik imaqarpoq.

Snow2Rainip ingerlanneqarnerani nikeriarfiup aappaani Anna Jorritilu Tasiilaliassapput. Najuulluni suliniuteqarneq appeqqarissaarnernik, ataatsimiinnernik, workshopinik, suliaqaqatigiinnernik, Tasiilami ulluinnaqarnermik kiisalu apummik uuttortaanernik imaqassaaq. Najuulluni suliaqarneq siulleq Tasiilami najugaqartunut atassuteqarnermik nukittorsaanissamut ukkatarinnittoqassaaq suleqatigiinnissamillu aallarnisaasoqassalluni.

Sulinummi peqatigisaq

Snow2Rain ÖAW-mit (Austrian Academy of Sciences) aningaasaliiffigineqarpoq. Suliniummi peqataasut pillugit paasissutissat uani nassaarineqarsinnaapput.