Jorrit van der Schot

‘Jorrit van der Schotimik ateqarpunga. Suliniummi Snow2Rainimi suliassara tassaavoq apisarnera, siallertarnera, tamakkiisumik nakkaalaartarnera kiisalu Tasiilap pigisaani apisarneq qanoq allanngoriartornersoq misissussallugit. Nalunaarsuutit atukkakka apummik uuttortaanermeersuupput, silasiorfinneersuupput, sumiiffimmi silap pissusaanut tunngatillugu takussutissianeersuupput qaammataasaniillu nalunaarsuutineersuullutik.

Maannakkorpiaq Østrigimi Grazip Universitetiani ph.d.-liorpunga apummut tunngatillugu silap pissusaanik ilisimatusarneq aallaavigalugu. Hollandimeersuuvunga. Nunarsuaq pillugu VU Universitetimi Amsterdamimi ilisimatusarnikuuvunga kingornalu københavnimut nuussimallunga silap pissusaa pillugu Københavns Universitetimi ilinniarniarlunga. Inaarsaatiga immap sikuata sikullu iigartartup Ilulissaniittup allanngoriartorneri pillugit, fagit akimorlugit ilisimatusarnermut tunngasuuvoq. Aasami 2019-mi Ilulisssani ornigullunga suliaqarninni assut ilikkagaqarpunga. Ilulissanilu inunnik assigiinngitsorpassuarnik soqutiginartunik pitsaasunillu naapitsisimanera nuannaarutigaara. Inaarsaasumik ilisimatusarninni fagit assigiinngitsut akimorlugit ilisimatusarneq soqutigilersimavara. Taamaattumik maanna Snow2Rainimi suliaqarnera nuannaraara. Isumaqarpunga najugaqartunik suleqateqarneq amerlasuutigut iluaqutissaqartoq. Ukiualuit tulliuttut anguniagaraara najugaqartunik suleqateqarnerup iluaqutissartaanik takutitsinissara. Neriuppunga Tasiilami ilisimatusartut najugaqartullu akornanni soqutiginartunik angusaqarumaaluta.’

Alapernaakkuit, paasisaqarnerorusukkuit imaluunniit isumassarsiannik avitseqatigerusukkumma toqqaannartumik saaffigisinnaavarma ugguuna: jorrit.van-der-schot@uni-graz.at